24. gəzmək üçün yaxşı yerləri olan bakı kəndlərindən biri. sea breeze-ə gedib istirahət edə bilərsiniz. yox, amma macera axtarırsınızsa gedəcəyiniz yerləri sırası ilə yazıram. əvvəlcə nardaran qayalıqlarında yerləşən mayaka baş çəkin. o mayak həmçinin yol əhvalatı filmindən məkanlardan biri idi. daha sonra qayalıqdan ləhiş bağlarına, sea breeze evlərinə və dənizə baxaraq mənzərənin dadını çıxardın. sonra qayalıqdan düşün. qayalığın olduğu yerdə kiçik mağara görəcəksiniz. ora ancaq sürünə-sürünə gedə bilərsiniz ki, o ərazilərdə tülkü çox olduğundan, ehtiyatlı olun. qayalıqdan düşəndən sonra sola doğru bir az gedəndən sonra üç ovdanla rastlaşacaqsız. tikinti özü yaxşı vəziyyətdədi, amma sadəcə biri su saxlamağa yararlıdı. digər ikisinə aşağı düşə bilərsiniz. istifadəyə yararlı olan daha böyük ovdandan oranın sakinləri kiçik su quyusu kimi istifadə etdiyindən bağlıdı. bu ovdanlar ərəblərin vaxtında tikilib. hər üçünün girişində ərəbcə sözlər yazılıb. həmçinin bir inanca görə nardaran qalasından, bu ovdanlara tunel var. açıq olan iki ovdanı yoxlayanda belə tunellə rastlaşmadım. olsa əgər yəqin ki, böyük tuneldədi.
sonra əsas yola çıxaraq taksiyə minin və xan bağına sürməsini xahiş edin. biz ovdanlardan ora piyada getməyə qərara almışdıq. kompaniya yaxşı olduğundan, rahat keçdi yol. təksinizsə və uzaq yolu piyada getmək istəmirsinizsə taksiylə gedin. bu xan bağı 15-ci əsrdə tikilib. əslində nardaranda şirvanşahlara aid belə yay iqamətgahları çox olub, sadəcə bu indiyə qədər gəlib çatıb.
ordan sonra piyada nardaran qalasına gedin. 1301-ci ildə tikilən bir dairəvi qaladı. qala divarları ilə əhatə olunub. başına çıxmaq çətindi. pilləkən yarıdan yoxdu. o dövrlərdə bu cür müdafiə qalalarının pilləkənləri yarımçıq olurdu. nərdivan çıxıb, nərdivanı da yuxarı qaldırırdılar. amma əhali oraya bir kəndir, və pilləkən kimi istifadə etməyə taxtalat qoyub. özünüzə güvənirsinizsə çıxa bilərsiz. hava küləkli olduğundan biz ora çıxmamaq qərarı aldıq.
qalanın yanında nardaran məscidi yerləşir. 1663-cü ildə tikilib. və yanında köhnə qəbiristanlıqla yanaşı təzə qəbiristanlığın qarışığı var. koroğlu metrosuna gələn avtobuslar nardaran məscidinin yanından hərəkət edir.
qeyd: əgər yay mövsümündə çimərliyə gəlsəniz, sahildən bir kilometr aralıqda kiçik bir ada yerləşir. o adanın ətrafındakı su həddindən artıq təmizdi. amma çox dərindi. ada təxmini 100 metr uzunluqlu və 50 metr enliyindədir. suitilərin çox olduğu vaxtlar, suitilərin istirahət etdiyi, günəşləndiyi yer idi. səhərlər balıqçılara beş manat təklif edərək ora gedə balıqçılar balıqdan qayıdanda onlarla qayıda bilərsiniz.